Më datë 4 korrik 2018 u nënshkrua Memorandumi i Bashkëpunimit ndërmjet Universitetit Politeknik të Tiranës dhe Drejtorisë së Sigurimit të Informacionit të Klasifikuar, “Për zhvillimin e projekteve me interes të përbashkët, shkëmbimin e përvojës dhe kryerjen e praktikave mësimore”. Memorandumi u nënshkrua nga Rektori i Universitetit Politeknik të Tiranës, Prof. Dr. Andrea Maliqari dhe nga Drejtor i Drejtorisë së Sigurimit të Informacionit të Klasifikuar, Z. Dorian Tola. Memorandumi ka për qëllim të nxisë kërkimin shkencor në fushën e sigurisë dhe të mbrojtjes së informacionit nëpërmjet zhvillimit të veprimtarive të përbashkëta, shkëmbimit të përvojës dhe zbatimit në praktikë të njohurive teorike.